“ကဆုန်လပြည့် ဗုဒ္ဓနေ့အကြောင်း သိကောင်းစရာများ နှင့် မင်းကွန်းဆရာတော်ဘုရားကြီး၏ အောင်ပဏာမ နှင့် အောင်ဆုတောင်း”

••••••••••••••••••••••••••••••••••••••••••••••••••••...••••
“ကဆုန်လပြည့် ဗုဒ္ဓနေ့အကြောင်း သိကောင်းစရာများ”
•••••••••••••••••••••••••••••••••••••••••••••••••••••••••••
(၁)။ ကဆုန်လပြည့်နေ့သည် ဗုဒ္ဓဘာသာဝင်တို့၏
နေ့ထူးနေ့မြတ်ကြီးဖြစ်ပါသည်။ ကဆုန်လပြည့်နေ့၏
ထူးခြားချက်မှာ (ဗျာဒိတ်၊ဖွားမြင်၊ဗောဓိပင်၊စံဝင်၊
နိဗ္ဗာန်နန်း) ဆိုသည်နှင့်အညီ သုံးလောကထွတ်ထား
သဗ္ဗညုမြတ်စွာဘုရားနှင့်စပ်၍-
❦ဗျာဒိတ်ခံယူသောနေ့ဖြစ်ခြင်း၊
❦ဖွားမြင်တော်မူသောနေ့ဖြစ်ခြင်း၊
❦ဘုရားဖြစ်တော်မူသောနေ့ဖြစ်ခြင်း၊
❦ပရိနိဗ္ဗာန်စံတော်မူသောနေ့ဖြစ်ခြင်း၊

ဤထူးခြားချက်လေးမျိုးတို့နှင့် တိုက်ဆိုက်နေပါသည်။
ဤကဲ့သို့ ထူးခြားချက်လေးမျိုးနှင့် ပြည့်စုံသောကြောင့်
ဤနေ့ကို “ကဆုန်လပြည့် ဗုဒ္ဓနေ့”ဟု
အမွှမ်းတင် ခေါ်ဆိုကြပါသည်။
(၂)။ ဤကဆုန်လပြည့်နေ့တွင် မာရ်နတ်ရန်ကို
အောင်မြင်တော်မူသောကြောင့် ဤနေ့ဤရက်ကို
“ကဆုန်လပြည့် မာရ်အောင်နေ့”အဖြစ်
ဗုဒ္ဓဘာသာဝင်တို့၏ စိတ်အစဉ်တွင် စွဲမြဲ၍နေကြပါသည်။
(၃)။ ဝိသာခါနက္ခတ်နှင့်ယှဉ်၍ ဖွားမြင်တော်မူခြင်း၊
ပရိနိဗ္ဗာန်စံတော်မူခြင်းများကို အကြောင်းပြု၍
ကဆုန်လပြည့်နေ့ကို “ဝိဆခ်ဒေး”ဟု
ခေါ်ဆိုကြပါသည်။ ဝိသာခါဒေးဟု ဆိုလိုပါသည်။
(၄)။ ဗုဒ္ဓဘာသာဝင်တို့သည် ဘုရားဖြစ်သော
နေ့ထူးနေ့မြတ်ကို အာရုံပြု၍ ကဆုန်လပြည့်နေ့၌
ပရိဘောဂစေတီထိုက်သော ဗောဓိပင်ကို
ရေသွန်းလောင်းလေ့ ရှိကြပါသည်။
(၅)။ ဗောဓိပင်သည် သဗ္ဗုညုတဉာဏ်တော်ကိုရ၍
ဘုရားဖြစ်တော်မူရာဌာနဖြစ်ခြင်း၊ ဖွားဖက်တော် ၇ပါးတွင်
စာရင်းဝင်ဖြစ်ခြင်းတို့ကြောင့် ထူးခြားသော
သစ်ပင်တစ်မျိုး ဖြစ်ပါသည်။ ဤကဲ့သို့ မြတ်စွာဘုရားနှင့်
တိုက်ရိုက်ဆက်စပ်၍ ဗောဓိပင်၌ ရေသွန်းလောင်းခြင်း
အစဉ်အလာကို ခေတ်အဆက်ဆက် ပြုလုပ်လာခဲ့ကြပါသည်။
(၆)။ မြန်မာ့ရိုးရာ ၁၂ ရာသီပွဲတော်များအနက်
ကဆုန်လ၌ ညောင်ရေသွန်းပွဲတော်ကို ရိုးရာပွဲတော်အဖြစ်
အစဉ်အလာ သတ်မှတ်ခဲ့ကြပါသည်။
(၇)။ “အသနဗောဓိယမထေရ်”၏ အလောင်းသည်
တိဿဘုရားရှင်၏ ဗောဓိပင်ကို စိုက်ပျိုးပူဇော်ရသော
ကုသိုလ်ကြောင့် နတ်ပြည်၌ဖြစ်ရခြင်း၊ စကြာမင်းဖြစ်ရခြင်း၊
အပါယ်ဘေးမှလွတ်ကင်းရခြင်းအကျိုးများကို ခံစားရကြောင်း
(ထေရာပဒါန်) ကျမ်းဂန်၌ ဟောကြားထားပါသည်။
(၈)။ “ဂန္ဓောဒကတိဿမထေရ်”၏ အလောင်းသည်
ပဒုမုတ္တရဘုရားရှင်၏ ဗောဓိပင်ကို နံ့သာရေဖြင့်
သွန်းလောင်းသောကုသိုလ်ကြောင့် နတ်ပြည်၌ဖြစ်ရခြင်း၊
အနာရောဂါမရှိခြင်း၊ သောကကင်းဝေးခြင်း
စသောအကျိုးများကို ခံစားရပါသည်။
(၉)။ အထက်ပါအကြောင်းအရာများကို နှလုံးသွင်း၍
ဗုဒ္ဓဘာသာဝင်သူတော်စင်များအနေဖြင့် နှစ်စဉ်နှစ်စဉ်
ကဆုန်လပြည့်နေ့ရောက်တိုင်း ဗုဒ္ဓရုပ်ပွား
ဥဒ္ဒိဿစေတီတော်များကို
အနေကဇာတင် ဗုဒ္ဓအဘိသေက မင်္ဂလာသဘင်
ဆင်ယင်ကျင်းပ၍ ကုသိုလ်အထူးကို ဆည်းပူးလေ့ရှိကြပါသည်။
ကျောင်းကန်ဘုရားသို့သွား၍ ဒါန သီလ ဘာဝနာအမှုကို
ပြုလုပ်၍ ကဆုန်လပြည့် ဗုဒ္ဓနေ့ကို အမှတ်တရ ဆင်နွှဲကြပါသည်။
“မင်းကွန်းဆရာတော်ကြီး၏
အောင်ပဏာမ နှင့် အောင်ဆုတောင်း”
••••••••••••••••••••••••••••••••••••••••••••••••••
“ဇယော ယံ စက္ကပါဒဿ၊
နမော တေ ပုရိသုတ္တမ။
ဇယံ နော တွံ ပဂ္ဂဏှဿု၊
ယာဝ နိဗ္ဗာန ပတ္တိယာ။”
● ပုရိသုတ္တမ = ဗောဓိဆုကြီး၊ ရွယ်တိုင်းပြီးအောင်၊
ရှာမှီးပြုလုပ်၊ ကြိုးအားထုတ်၍၊ ပုရိသုတ္တမ၊
နာမထင်ရှား၊ ရှင်တော်မြတ်ဘုရား။
● အယံ = အကနိဋ္ဌ၊ မိုးမှဗြဟ္မာ၊ အရိယာတို့၊ မင်္ဂလာသျှန္တီ၊
အောင်ခွန်းချီသည့်ဤအခါကာလ၊ ဤသမယသည်ကား။
● စက္ကပါဒဿ၊ = ငါးပါးမာရ်ညွန့်၊ ရန်အဝှန့်ကို၊ မရွံ့မထိတ်၊
ခြင်္သေ့စိတ်ဖြင့်၊ နင်းနှိပ် အံ့ငှာ၊အသင့်ပါသား၊
တစ်ရာ့ရှစ်ကွက်၊ ပြိုးပြိုးပြက်သည့် စက်တော်ခွေရုံ၊
ခြေတော်အစုံရှိတော်မူသော။
● တေ = ရှင်တော်ဘုရား၏၊
● ဇယော = ဇာတိခေတ်ပေါင်း၊တိုက်တစ်သောင်းဝယ်၊
ရိုက်ညောင်းခြိမ့်ညံ၊အောင်ပွဲခံသော၊အခါပါဘုရား။
● နမော = ငါးပါးမာရ်ဟုန်၊ အောင်မြင်ပုံကို၊
အာရုံရှေ့သွား၊ အဦးထား၍၊ ဝပ်တွားရိုကျိုး၊
ရှိခိုးကန်တော့ပါ၏ဘုရား။
● တွံ= ရှင်တော်ဘုရားသည်
● နော = ကဆုန်လပြည့်၊ ဗုဒ္ဓနေ့၌ ချမ်းမြေ့ပူဇာ၊ မင်္ဂလာကို၊
သဒ္ဓါရှေ့ပြေးပြုအံ့ရေးဖြင့်၊စည်းဝေညီမူ၊ ရှိကြပါကုန်သော၊
တပည့်တော်တို့အား။
● ယာဝ နိဗ္ဗာန ပတ္တိယာ= နိဗ္ဗာန်ဟူသည်၊ ဘေးမဲ့ပြည်သို့၊
ကိုယ်စီကိုယ်င ရောက်ဆိုက်ကြသည့်၊ကာလတိုင်အောင်။
● ဇယံ = ဘေးဒဏ်ရန်စွယ်၊အန္တရာယ်ကို လှန်ပယ်နှင်မောင်း၊
အောင်ြမင်ကြောင်းဟုတောင်းသမျှအောင်ဆု၊အစုစုကို။
● ပဂ္ဂဏှဿု =ရွတ်တိုင်းပြီးမြောက်၊ခရီးပေါက်အောင်၊
ချီးမြှောက်သောအား၊ ပေးသနားတော်မူပါအရှင်ဘုရား...။ ။
-【စာရိုက်ပူဇော်သူ - Admin Team of
Young Buddhist's Association】
-【တိပိဋကဓရ ဓမ္မဘဏ္ဍာဂါရိက မင်းကွန်း
ဆရာတော်ဘုရားကြီး အရှင်ဝိစိတ္တသာရာဘိဝံသ
ရေးသား ပူဇော်တော်မူသော ဂါထာဖြစ်ပါသည်။】
-【အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊
မဟာသဒ္ဓမ္မဇောတိကဓဇ ဘဒ္ဒန္တပညာသာမိ (မာဂဓီ-သာစည်)
ဆရာတော်ဘုရားကြီး၏ “အခါတော်နေ့များမှ”-】
Posted by►