*****🍀 ယူရမည့် တာဝန် 🍀*****

 ကိုယ့်ကိုယ်ကို အကောင်းဆုံးဖြစ်အောင် လုပ်ဖို့ လူတိုင်းမှာ တာဝန်ရှိတယ်။

ဒါဟာ အရေးကြီးဆုံး တာဝန်ပဲ။ ဒီတာဝန်ကို မကျေတဲ့သူဟာ

တခြားတာဝန်တွေကို မ...ကျေနိုင်တော့ဘူး။

🌹🌹🌹
ကိုယ့်မှာရှိတဲ့ အရည်အချင်းတွေကို အမြင့်ဆုံးရောက်အောင်
ကြိုးစားနေတဲ့သူမှသာ တာဝန်ကျေတဲ့သူ ဖြစ်တယ်။
သက်သာအောင် နေတဲ့သူ လွယ်လွယ်နဲ့ အခွင့်အရေး
များများရအောင် လုပ်နေတဲ့သူတွေဟာ တာဝန်မဲ့တဲ့သူ၊ သစ္စာမဲ့တဲ့သူ။
🌹🌹🌹
ကိုယ့်ကိုယ်ကို စိတ်ထား ပိုကောင်းတဲ့သူ၊ အသိဥာဏ် ပိုရှိတဲ့သူ၊
အရည်အချင်း ပိုရှိတဲ့သူ၊ အကျင့်စာရိတ္တ ပိုကောင်းတဲ့သူ ဖြစ်အောင်
လုပ်နိုင်ပါရဲ့နဲ့၊ ကိုယ်လုပ်တဲ့အလုပ်ကို ကောင်းသည်ထက်ကောင်းအောင်
လုပ်နိုင်ပါရဲ့နဲ့ မလုပ်တဲ့သူဟာ ကိုယ့်ကိုယ်ပေါ်မှာ ကြီးမားတဲ့ အပြစ်တစ်ခုကို
ကျူးလွန်ထားတဲ့သူ ဖြစ်တယ်။
🌹🌹🌹
ကိုယ့်အရည်အချင်းတွေကို အမြင့်ဆုံးရောက်အောင် အကောင်းဆုံးဖြစ်အောင်
လေ့ကျင့် ပြုစု ပျိုးထောင်တာ၊ ကိုယ့်အရည်အချင်းတွေကို ပြည့်ပြည့်ဝဝသုံးတာဟာ အင်မတန်အဆင့်မြင့်တဲ့ စွန့်စားမှု ဖြစ်တယ်။
🌹🌹🌹
အဆင့်အတန်းမြင့်တဲ့ အသိုင်းအဝိုင်းထဲမှာ နေချင်ပါတယ်။ ဒါပေမယ့်
အဲဒီ အဆင့်အတန်းမြင့်တဲ့ အသိုင်းအဝိုင်းဖြစ်လာဖို့ ငါ့ဘက်က
 ယူရမည့်တာဝန်ကိုတော့ ငါယူမှ ဖြစ်မယ်။
🌹🌹🌹
အဆင့်အတန်းမြင့်တဲ့ အသိုင်းအဝိုင်းထဲမှာ နေချင်ပါတယ်။ ဒါပေမယ့် အဲဒီ
အဆင့်အတန်းမြင့်တဲ့ အသိုင်းအဝိုင်း ဖြစ်လာဖို့ ငါ့ဘက်က
ယူရမည့် တာဝန်ကိုတော့ ငါ ယူမှ ဖြစ်မယ်။
🌹🌹🌹
လူ့လောကမှာ ယူရမယ့်တာဝန်တစ်ခုကို လိုလိုချင်ချင် ယူထားတဲ့လူက
အသက်ဝင်နေတယ်။ ဘာတာဝန်မှ မယူချင်တဲ့လူ၊ ဘာမှ မလုပ်ချင်တဲ့လူ၊
ဘာကိုမှ စိတ်မဝင်စားတဲ့လူ၊ ဘာပညာမှ နောက်ထပ် တိုးမလာတဲ့လူ၊
 အဲဒီလိုလူဟာ ဘယ်လိုလူလို့ခေါ်မလဲ။
အသက်ရှင်လျက်ဘဝသေနေတဲ့သူလို့ ခေါ်ရမှာပဲနော်။
🌹🌹🌹
မှန်ကန်တဲ့ အတွေးအခေါ်တစ်ခု၊ မှန်ကန်တဲ့ အယူအဆ၊
မှန်ကန်တဲ့ သဘောထား၊ အမှန်တရားတစ်ခုကို သိရတာဟာ အင်မတန်
အရေးကြီးပါတယ်။ အင်မတန် တန်ဖိုးရှိပါတယ်။ ငါကိုယ်တိုင် မှန်တာကို သိချင်တယ်။
ငါသိထားပြီ ဆိုရင်တော့ ပါးစပ်ပိတ်ပြီးနေလို့ မဖြစ်တော့ဘူး။
မပြောလို့ရှိရင် တာဝန်မကျေတော့ဘူး။ အမှန်ကိုသိရဲ့နဲ့ မပြောရင်
ထိန်ချန်တဲ့အတွက် အပြစ်ရှိနေတယ်။ ဒါကြောင့် သိတဲ့သူမှာ ပြောရမယ့်တာဝန် ရှိတယ်။
🌹🌹🌹
စိတ်မကောင်းဖြစ်ရမယ့် ကိစ္စမျိုးမှာ စိတ်မကောင်း မဖြစ်တတ်ရင်
ကရုဏာမရှိတဲ့သူလို့ ဆိုနိုင်တယ်။ အဲဒီလို စိတ်မကောင်းမဖြစ်တတ်တဲ့သူဟာ တာဝန်မဲ့ ထင်ရာလုပ်တော့မယ်။ ဒီလိုလူမျိုးဟာ ကြောက်စရာကောင်းတယ်။ ဒါကြောင့် (moral guilt) ဖြစ်သင့်ဖြစ်ထိုက်တဲ့ နောင်တဆိုတာ ဖြစ်ရမယ်။ ဒါမှ ကိုယ့်ကိုယ်ကို ပြုပြင်နိုင်မယ်။
ထိန်းသိမ်းနိုင်မယ်။ ဒါပေမယ့် ကိုယ်မတတ်နိုင်တဲ့ကိစ္စ၊ ကိုယ့်တာဝန် မဟုတ်တဲ့ကိစ္စ၊
ကိုယ့်ပေါ့ဆမှုကြောင့် မဟုတ်ဘဲ တခြားအကြောင်းတွေကြောင့်
သူတစ်ပါးမှာ ချို့တဲ့မှု၊ အဆင်မပြေမှု၊ ဒုက္ခတစ်မျိုးမျိုး ဖြစ်ရတာနဲ့
ပတ်သက်ပြီးတော့ ကိုယ့်အပြစ်လို့ ထင်နေတာ၊ ခံစားနေရတာ မဖြစ်သင့်ဘူး။
🌹🌹🌹
ကိုယ်ကသာ တကယ်စည်းကမ်းနဲ့ ကိုယ့်ဘဝကို နေမယ်၊ လုပ်သင့်တာကို လုပ်မယ်၊
မလုပ်သင့်တာကို မလုပ်ဘူး၊ ပြောသင့်တာကို ပြောမယ်။ မပြောသင့်တာကို မပြောဘူး၊
တရားနဲ့အညီ နေမယ်၊ စိတ်ချမ်းချမ်းသာသာ နေမယ်၊ စိတ် တည်တည်ငြိမ်ငြိမ်
အေးအေးချမ်းချမ်း နေမယ်ဆိုရင် ပတ်ဝန်းကျင်က ကိုယ့်ကို လေးစားမှာပါ။
အဲဒါ သေချာပါတယ်နော်။ ပတ်ဝန်းကျင်ဆိုတာ ကိုယ်နဲ့တန်ရင် ကိုယ့်ကို နေရာပေးပါတယ်။
မတန်ရင်တော့ မပေးဘူးနော်။ တကယ်တန်ရင် မလိုချင်ဘူးဆိုလို့တောင် မရဘူး။ တောင်းတောင်းပန်ပန်တောင် ကိုယ့်ကို နေရာပေးမှာပါ။
🌹🌹🌹
သူများကို လွှမ်းမိုးချင်စိတ်၊ ချယ်လှယ်ချင်စိတ် မရှိတဲ့သူကို လူတွေက ပိုပြီး
ယုံယုံကြည်ကြည် ချဉ်းကပ်တယ်။ အဲဒီလိုလူရဲ့ အကြံဥာဏ်နဲ့ စိတ်ကူးတွေကိုလည်း ပိုပြီးတော့ လေးလေးစားစား နားထောင်တယ်။ ကိုယ်က မလွှမ်းမိုးချင်မှ ကိုယ့်စကားကို ပိုပြီး လေးစားတယ်၊
ကိုယ့်ကို ပိုချစ်တယ်၊ ပိုတန်ဖိုးထားတယ်၊ ပိုယုံကြည်တယ်။
🌹🌹🌹
အနိုင်ယူချင်တဲ့စိတ် ရှိနေရင်တော့ စိတ်ချမ်းသာမှု မရှိနိုင်ဘူး။ နိုင်တဲ့သူလည်း စိတ်မအေးချမ်းဘူး။ ရှုံးတဲ့သူလည်း စိတ်မအေးချမ်းဘူး။ အနိုင်မရှုံးမရှိဘဲ တစ်ယောက်နဲ့တစ်ယောက် လေးလေးစားစား ပြောရတာ ဆက်ဆံရတာ ပိုပြီး စိတ်ချမ်းသာတယ်။
🌹🌹🌹
ကိုယ့်မိဘ မိရိုးဖလာ အတွေးအခေါ် အယူအဆထဲက ယူသင့်တာကို ယူရမယ်။
ရာခိုင်နှုန်းပြည့် အမွေခံလို့ မရဘူး။ ဒါပေမယ့် ဘယ်ဟာကို ယူသင့်သလဲဆိုတာ
ဘယ်လိုလုပ် ဆုံးဖြတ်မလဲ။ ယူသင့်တာကိုယူတဲ့အခါမှာတောင်မှ ဒါဟာ
ကောင်းတယ် မှန်တယ် အကျိုးများတယ်လို့ ကိုယ်တိုင်သိလို့ ယူလိုက်တာပဲ ဖြစ်ရမယ်။
သူတို့နဲ့လည်း ပဋိပက္ခမဖြစ်ဘဲနဲ့ ကိုယ့်ဟာကိုယ်လည်းပဲ ကိုယ့်ကိုယ်ပိုင်
ဥာဏ်နဲ့ ကိုယ့်ဘဝကို ကိုယ့်ဟာကိုယ် တည်ဆောက်နိုင်အောင် ဘယ်လိုလုပ်ရမလဲ
ဆိုတာ တော်တော်ကို စဉ်းစားရမယ်။ ဒါဟာ အင်မတန် ခက်ခဲတဲ့ကိစ္စ ဖြစ်တယ်။
သို့သော် အဲဒီခက်ခဲတာကိုမှ စိတ်အေးအေး၊ သဘောထားကြီးကြီး၊ ဥာဏ်ကြီးကြီးနဲ့
လုပ်သွားမှသာ ကိုယ်ပိုင်အတွေးအခေါ်အယူအဆ၊ ကိုယ်ပိုင်ခံယူချက်ဆိုတာ ရှိလာပြီးတော့ ကိုယ့်ဘဝကိုလည်းကိုယ် ကျေနပ်မှု ရမယ်၊ ကိုယ့်ကိုယ်ကိုလည်း ကျေနပ်မှု ရမယ်။
ကိုယ်လုပ်တဲ့ကိစ္စဟာ တကယ် ကိုယ့်ရင်ထဲ နှလုံးသားထဲက ဖြစ်ပေါ်လာတဲ့စေတနာနဲ့
လုပ်တာဆိုပြီး ကိုယ်ကိုယ်တိုင် ခံစားရပြီးတော့ ကိုယ့်ကိုယ်ကို ကျေနပ်မှု ရမယ်၊
ကိုယ့်ကိုယ်ကို လေးစားမှုလည်း ရမယ်။ အဲဒီတော့ ရေလိုက် ငါးလိုက်၊
wishy-wishy ဖြစ်နေတဲ့ လူကတော့ ကိုယ့်ကိုယ်ကို လေးစားမှုဆိုတဲ့
self-respect ရဖို့ မလွယ်ဘူး၊၊
🌹🌹🌹
လူဟာ တော်တော်ကောင်းချင်တဲ့ သတ္တဝါပါ။ ကောင်းချင်တဲ့စိတ် ရှိတယ်။
ကိုယ့် အမှားလေးတွေကို ရှာပြီး ပြင်လိုက်တဲ့အခါမှာ ကိုယ့်စိတ်ထား
ပိုကောင်းလာတဲ့အခါ သိပ်ကျေနပ်ပါတယ်။ ကိုယ့်စိတ်ထား အဆင့်အတန်း မြင့်သွားတဲ့အခါ၊ ကိုယ့်အသိဥာဏ် အဆင့်အတန်း မြင့်သွားတဲ့ အခါမှာ ကိုယ့်ကိုယ်ကိုလေးစားမှု
(self-respect) ပိုပြီး တက်လာတယ်။
🌹🌹🌹
လူတိုင်းမှာ ကိုယ့်ဥာဏ်ကိုကိုယ် သုံးရမယ့် တာဝန်ရှိတယ်၊ ကိုယ့်ဥာဏ်ကိုကိုယ် သုံးရမယ့် အခွင့်အရေးရှိတယ်။ ကိုယ့်ဥာဏ်ကိုကိုယ် သုံးနိုင်မှ ကိုယ့်ကိုယ်ကိုကိုယ် လေးစားနိုင်မယ်။
ကိုယ့်ကိုယ်ကို လေးစားမှု မရှိတဲ့သူ၊ သူများကလည်း ကိုယ့်ကို မလေးစားဘူးလို့
ခံစားရတဲ့သူဟာ အဲဒါကို ခံရခက်လို့ ကိုယ့်ကို သူများကြောက်အောင် ဒေါသကြီးကြီးနဲ့ ပြောဆို ဆက်ဆံတတ်တယ်။ ကြောက်တာကို ရတာဟာ လေးစားမှုအတုကို ရတာဖြစ်တယ်။
လေးစားမှု အစစ်မဟုတ်ဘူး။ ကိုယ့်ကိုယ်ကို လေးစားတဲ့သူ၊ သူတစ်ပါးရဲ့ လေးစားမှုကိုလည်း ထိုက်ထိုက်တန်တန် ရတဲ့သူဟာ စိတ်ချမ်းသာတယ်။ စိတ်အေးချမ်းတယ်။
ကိုယ့်ကိုယ်ကို လေးစားနိုင်တဲ့သူ၊ သူတစ်ပါးကိုလည်း လေးစားတဲ့သူ၊ သူတစ်ပါးရဲ့
လေးစားမှုကိုလည်း ထိုက်ထိုက်တန်တန် ခံရတဲ့သူဟာ လောကကိုအကျိုးပြုတဲ့သူ ဖြစ်တယ်။ ကိုယ့်ကိုယ်ကိုလည်း လေးစားမှုရှိအောင်၊ ပတ်ဝန်းကျင် အသိုင်းအဝိုင်းကလည်း ကိုယ့်ကို လေးစားလာအောင် လူတိုင်း ကြိုးစားပြီးနေရင် ဒီလောကကြီးဟာ ပျော်စရာကောင်းတဲ့ လောကကြီးဖြစ်မယ်။
🌹🌹🌹
ကိုယ့်ကိုယ်ကို လေးစာမှုရှိတဲ့သူဟာ ရေရှည်မှာ အကျိုးများမယ့်ကိစ္စတွေကို
ဦးစားပေးပြီး လုပ်ရမယ်။ အမြော်အမြင်ရှိတဲ့သူဟာ သူများရဲ့ လေးစားမှုကိုလည်း ခံရတယ်။
ဒါကြောင့် ခဏလောက် ပျော်ရမည့်ကိစ္စ၊ အပျင်းပြေမည့် ကိစ္စမျိုးကို ဦးစားမပေးဘဲ
အောင့်နိုင်ရမည်။
🌹🌹🌹
လူ့အသိုင်းအဝိုင်းကြီးကို ကောင်းအောင် လုပ်ချင်ရင် ကိုယ့်ကိုယ့်ကိုလည်း လေးစားဖို့ လိုတယ်။ သူတစ်ပါးကိုလည်း လေးစားဖို့ လိုတယ်။ ဂုဏ်သိက္ခာရှိတဲ့ ဆက်ဆံရေးမျိုးဖြစ်လာအောင်
ပြုစုပျိုးထောင်ဖို့ လိုတယ်။
ဒီလို ဂုဏ်သိက္ခာရှိရှိ၊ dignity ရှိရှိ ဆက်ဆံတတ်သွားရင် ဆက်ဆံရေးတွေဟာ
ပိုပြီးကျေနပ်စရာ ကောင်းမယ်။ ဘဝဟာလည်း ပိုပြီးကျေနပ်စရာ ကောင်းမယ်။
ဒီလိုလူတွေများတဲ့ လူ့အသိုင်းအဝိုင်းဟာ အဆင့်မြင့်တဲ့ လူ့အသိုင်းအဝိုင်း ဖြစ်မယ်။
🌹🌹🌹
ကိုယ့်ကိုယ်ကို လေးစားတဲ့သူ၊ လူအများကိုလည်း လေးစားတဲ့သူရဲ့ မျက်နှာဟာ
အင်မတန် ကျက်သရေရှိတယ်။ ခင်မင်စရာ လေးစားစရာ ကောင်းတယ်။
ဒီလိုလူဟာ စိတ်လည်း ပိုအေးချမ်းတယ်၊ နူးညံ့တယ်။ ဒီလိုလူဟာ လူ့အသိုင်းအဝိုင်းရဲ့
ကျက်သရေဆောင် ဖြစ်တယ်။
🌹🌹🌹
ကိုယ့်ကိုယ်ကို ယုံကြည်မှုရှိလို့ သူတစ်ပါးကို အသိအမှတ်ပြုနိုင်တာ၊ လေးစားနိုင်တာ၊
ယုံကြည်နိုင်တာ။ ကိုယ့်ကိုယ်ကို ယုံကြည်မှု မရှိရင် သူတစ်ပါးကို အသိအမှတ်မပြုနိုင်ဘူး၊ မလေးစားနိုင်ဘူး၊ ယုံကြည်မှု မရှိနိုင်ဘူး။
🌹🌹🌹
တစ်ဖက်သားက ငါ့ကို လေးစားရဲ့လား၊ တန်ဖိုးထားရဲ့လား၊ ကိုယ်ချင်းစာရဲ့လားဆိုတာ
လူတိုင်းပဲ တွေးနေတတ်တယ်။ ကလေးဘဝထဲက ပတ်ဝန်းကျင်ကလူတွေ လေးစားတာ၊
တန်ဖိုးထားတာ၊ အသိအမှတ်ပြုတာ၊ ကိုယ်ပြောချင်တာကို အချိန်ပေးပြီးတော့
နားထောင်တာကို သိပ်လိုချင်တယ်။ ဒါဟာ လူတိုင်းရဲ့ဘဝမှာ အရေးကြီးတဲ့လိုအပ်ချက်ပဲ။
အကယ်၍ အဲဒါကိုမရခဲ့ရင် အဲဒီလူဟာ ကိုယ့်ကိုယ်ကိုယုံကြည်မှု နည်းမယ်၊ အားငယ်မယ်၊
မပြောရဲမဆိုရဲ ဖြစ်မယ်။ သို့မဟုတ်ရင် ဒေါသကြီးမယ်။ သူပြောချင်တာကို လူတွေ
ဂရုစိုက်အောင် အကြမ်းနည်းနဲ့ လုပ်မယ်။ ပြေလည်တဲ့ဆက်ဆံရေးပုံစံကို မလုပ်တတ်ဘူး။
အနိုင်ရမှ ကျေနပ်မယ်။ ဒါကြောင့် လူတွေ တစ်ယောက်ကိုတစ်ယောက် အလေးဂရုပြုတဲ့
အလေ့အကျင့်ကို ငယ်ငယ်ကတည်းက လုပ်သင့်တယ်။ သင်ပေးသင့်တယ်။
🌹🌹🌹
အားလုံးပဲ (လူဖြစ်ဖြစ်၊ တိရစ္ဆာန်ဖြစ်ဖြစ်) သူ့တည်ကြည်ခန့်ညားမှုနဲ့သူ ရှိစေချင်တယ်။
ကလေးလေးကအစ၊ ဘယ်လောက်ငယ်တဲ့ ကလေးလေးပဲဖြစ်ဖြစ် သူ့မှာ
သူ့တည်ကြည်မှုနဲ့သူ ရှိပါတယ်။ သူတစ်ပါးကို မလေးမစား အနိုင်ယူတဲ့ သဘောမျိုး၊ အနိုင်ကျင့်တဲ့သဘောထား အပြောအဆို၊ အမူအယာမျိုး မလုပ်သင့်ဘူး။
သတိ၊ သမာဓိနဲ့ နေသွားတဲ့သူဟာ စိတ်ထဲမှာ ဖြစ်နေတာကို အမြဲတမ်း
သိနေတဲ့အတွက်ကြောင့် ကိုယ်ကိုယ်တိုင် တည်ကြည်မှုအပြည့်နဲ့ သိက္ခာရှိရှိနေချင်သလို သူတစ်ပါးကိုလည်း လေးလေးစားစား ဆက်ဆံချင်တယ်။
နောက်တစ်ချက်.. အင်မတန် နက်နဲသိမ်မွေ့တဲ့ အချက်က သူတစ်ပါးကို မလေးမစား ဆက်ဆံလိုက်ရပြီဆိုရင် အဲဒီလို ဆက်ဆံတုန်းမှာ ကိုယ့်စိတ်ကို ပြန်ကြည့်လိုက်စမ်းပါ။
အင်မတန် ခံရခက်တယ်။ ကိုယ့်ကိုယ်ကို အထင်သေးသွားတယ်၊
ကိုယ့်ကိုယ်ကို လေးစားမှုလည်း လျော့သွားတယ်ဆိုတာ တွေ့ရလိမ့်မယ်။
ဒါကြောင့် If I devalue you, I devalue myself. သူတစ်ပါးကို တန်ဖိုးချလိုက်ရင်
ကိုယ့်ကိုယ်ကိုပါ တန်ဖိုးချရာ ရောက်တယ်။ သူတစ်ပါးကို မလေးမစား ဆက်ဆံပြီဆိုရင်
ကိုယ့်ကိုယ်ကို လေးစားလို့ မရတော့ဘူး။
🌹🌹🌹
ဘဝသံသရာကြီး ရှည်လွန်းလို့ မတော်စပ်ခဲ့ဖူးတဲ့ သူရယ်လို့ မရှိဘူးလို့ ဘုရားဟောထားတယ်။ ဘဝသံသရာအမြင်ကို သိထားလို့ရှိရင် တစ်ယောက်နဲ့တစ်ယောက် ဆက်ဆံတဲ့နေရာမှာ
ပိုပြီးတော့ လေးစားမှု ရှိတယ်၊ ပိုပြီးတော့ နူးညံ့မှု ရှိတယ်၊ ပိုပြီးတော့ နားလည်နိုင်၊
ခွင့်လွှတ်နိုင်တယ်၊ သည်းခံနိုင်တယ်၊ တစ်ယောက်အကျိုးကိုတစ်ယောက် ပိုပြီး ဆောင်ရွက်နိုင်တယ်။
ဒီလို သဘောထားမျိုးမရှိရင် အတ္တစွဲကြီးတယ်။ သူ၊ ငါ၊ အထက်၊ အောက် ခွဲခြားမှုတွေ
အများကြီး ရှိတယ်။ အထင်လည်း မကြီး၊ အထင်လည်း မသေးဘဲနဲ့ လေးစားမှုအပြည့်ရှိတဲ့ သဘောထားတွေ ဖြစ်လာအောင် ဘဝသံသရာ ဆိုတာကို ခံစားနိုင်အောင် လုပ်ပါ။
🌹🌹🌹
သန့်ရှင်းဖို့၊ သပ်ရပ်ဖို့ဆိုတာ ငွေကုန်ကြေးကျ အများကြီးခံမှ လုပ်လို့ရတဲ့ကိစ္စ မဟုတ်ပါဘူး။
ဆန္ဒရှိရင် ဝီရိယရှိရင် ကိုယ့်ကိုယ်ကိုလည်း သန့်ရှင်းအောင်၊ သပ်ရပ်အောင် နေလို့ရတယ်။ ကိုယ်နေတဲ့နေရာ၊ ကိုယ်နေတဲ့ အိမ်ဝိုင်း၊ ပတ်ဝန်းကျင်ကိုလည်း သန့်ရှင်းအောင် သပ်ရပ်အောင်
လုပ်လို့ရတယ်။ ဒါမှ ကိုယ့်ကိုယ်ကို လေးစားမှုရှိမယ်။
🌹🌹🌹
ဘယ်လောက်ပဲ ပညာတတ်နေတတ်နေ၊ စိတ်ထားမကောင်းဘူး၊ အကျင့်စာရိတ္တ မကောင်းဘူး၊
ခန္ဓာကိုယ် မသန့်ရှင်းဘူး၊ နေထိုင်တဲ့ ပတ်ဝန်းကျင်လည်း မသန့်ဘူးဆိုရင် လူ့အဖိုးတန်လို့
ပြောလို့ မရဘူး။
🌹🌹🌹
သူများအကူအညီကို များများယူတဲ့သူဟာ အရည်အချင်းမထွက်တော့ဘူး။
လူငယ်တွေကို အထူးသဖြင့် ပြောချင်ပါတယ်။ ဖြတ်လမ်းကို ဘယ်တော့မှ မလိုက်ပါနဲ့။
သူများဆီက အကူအညီကို တကယ်ယူသင့်တဲ့အခါမှာ အနည်းဆုံး ယူပါ။ မယူမဖြစ်တဲ့ အကူအညီလောက်ကိုပဲ ယူပါ။ ကိုယ့်ကိုယ်ကို အများဆုံး အားကိုးပါ။ အဲဒါမှသာ ရေရှည်မှာ အဲဒီစိတ်ဓာတ်နဲ့ လုပ်သွားလို့ရှိရင် အသက်ကြီးလေ ပိုပြီးတော့ အရည်အချင်းတွေ
အသိဥာဏ်တွေ စိတ်ထားတွေ မြင့်လေ ဖြစ်ပြီးတော့ ကိုယ့်ကိုယ်ကိုကိုယ် ယုံကြည်တဲ့သူ
အားကိုးတဲ့သူ
လေးစားတဲ့သူ တန်ဖိုးထားတဲ့သူ ချစ်တဲ့သူ စိတ်ထားမြင့်တဲ့သူ အသိဥာဏ်မြင့်တဲ့သူ ဖြစ်မှာ။
🌹🌹🌹
ငါ အားငယ်တတ်တယ်၊ ကြောက်တတ်တယ်ဆိုပြီး ကိုယ့်ကိစ္စတွေကို သူများလုပ်ပေးအောင် ပြောတတ်တဲ့သူဟာ အားငယ်ရတဲ့ဘဝ၊ ကြောက်ရတဲ့ဘဝကနေ တက်မလာနိုင်တော့ဘူး။
🌹🌹🌹
လွယ်တာကိုမှ လုပ်ချင်တဲ့သူဟာ ရေရှည်မှာ ခက်တာတွေဟာ ကြာလေများလေ ဖြစ်လာတယ်။ ခက်တာကိုမှ လုပ်ချင်တဲ့သူအတွက် ခက်တာတွေက ကြာလေနည်းလေ ဖြစ်သွားမှာပါ။
ကိုယ့်တာဝန်ကို ကိုယ်ယူရတာ ခက်ပါတယ်နော်။ ဒါပေမယ့် ကိုယ့်တာဝန်ကို ကိုယ်
တကယ်ယူတဲ့သူဟာ ကြာလေလေ သူ့ဘဝဟာ အဆင်ပြေလေလေပဲ။ တာဝန်ကို ပိုပြီးတော့ ယူနိုင်လေလေ ဖြစ်သွားတယ်။ ကိုယ့်တာဝန်ကို ကိုယ်မယူဘဲနဲ့ ကိုယ့်တာဝန်ကို သူများလက်ထဲ
ထည့်လို့ရှိရင် ကိုယ့်ဘဝပါ သူများလက်ထဲ ရောက်သွားမယ်။ ဘဝပျောက်သွားမယ်။
ကိုယ့်လွတ်လပ်မှု ပျောက်သွားမယ်။ ကိုယ့်ဘဝဟာလည်း ကြာလေခက်လေ ဖြစ်လာမယ်။ ဘယ်ကိစ္စမှာဖြစ်ဖြစ် ကိုယ်ယူရမယ့် တာဝန်ကို ကိုယ်ယူပါ။ သူတစ်ပါးလက်ထဲကို
ဘယ်တော့မှ မထည့်ပါနဲ့။ ပင်ပန်းမှာကို မကြောက်ပါနဲ့။ ပင်ပန်းမှာ
ကြောက်နေတာကိုက ပင်ပန်းနေတာပါ။ ကိုယ့်ကိုယ်ကိုကိုယ် တကယ်ယုံကြည်နိုင်တဲ့သူ၊ လေးစားနိုင်တဲ့သူ၊ အားကိုးနိုင်တဲ့သူ၊ ကိုယ့်ကိုယ်ကို တန်ဖိုးထားတဲ့သူ ဖြစ်ဖို့..
ကောင်းတာတွေကို ကိုယ့်သဘောနဲ့ကိုယ် လွတ်လွတ်လပ်လပ် ရွေးချယ်ပြီးတော့ ကိုယ့်ရဲ့ ဇွဲ၊
လုံ့လ၊ ဝီရိယနဲ့ ကိုယ့်ဟာကိုယ် ကြိုးစားပြီးတော့ အားထုတ်ပြီးတော့ ကိုယ့်ဘဝမှာ
ကောင်းတာတွေ များများဖြစ်လာအောင် လုပ်နိုင်တဲ့သူ ဖြစ်နိုင်ရမယ်။
🌹🌹🌹
ကိုယ့်အတွက် အားကိုးစရာ အကောင်းဆုံးဟာ ကိုယ့်ရင်ထဲမှာ ရှိမှဖြစ်မယ်။
အပြင်မှာရှိနေလို့ မဖြစ်ဘူး။ အပြင်မှာရှိနေတာ ဘယ်အရာမှ အားကိုးစရာ အစစ်မဖြစ်ဘူး။
🌹🌹🌹
လူတွေကို ကူညီချင်ရင် ကိုယ့်အားကိုယ်ကိုးတဲ့သူ ဖြစ်အောင် အကူအညီပေးပါ။ သူတို့ကိုယ်သူတို့ ကူညီနိုင်အောင် အကူအညီပေးပါ။ ကိုယ့် အကူအညီကို ယူရတဲ့သူဟာ ကိုယ့်အကူအညီကို မယူရတော့တဲ့သူ ဖြစ်သွားအောင် ကူညီပါ။🚶💃
➖➖➖🔹🍄🍄🔹➖➖➖
💡ဆရာတော်ဦးဇောတိက💡
🍀 ( မဟာမြိုင်တောရ ) 🍀
▫️ ▫️၏ ▫️ ▫️
💧“ တွေးမိတိုင်း ပျော်တယ် ” 💧
စာအုပ်မှ ကူးယူဖော်ပြပါသည်၊၊